“ Ana və Uşaq"

Reklam niyyətləri ilə  qəzetçilik  sənayesi   quran  mətbu subyektlər ideologiyamıza nə  xeyir verə bilər? Bunlar   heç ideologiyaya xidmət etmək amacında olmayıblar  və indi də deyillər.

  Onların fəaliyyəti  dəyərlərimizi və inkişafımızı sarsıdan neqativ təzahürlərin  yetişdirilməsi,  daha sonra ləklərdən  böyük sahələrə köçürülməsindən başqa bir şey deyil.   Təhlükəli  neqativ təzahürlərin bu çəkildə, bu qədər  hərisliklə yayınlanması uşaqlara zərəli  təsir göstərdiyini və cinayət əməllərinə sövq etdiyini kim  inkar edə bilər?

 Siz harda oxumusunuz, nə oxumusunuz, necə oxumusunuz:  toy oxuyan  adam kisələrlə  pulu necə qazana bilər, bu, nə ölçüdür? Cavanşir Məmmədov toyda “Parovoz” olarkən müəllim  dəftər yoxlayır, əyani vəsait hazırlayır və sair,  böyük əksəriyyəti  ehtiyac içində yaşayır, nisyə dəftərlərinə sığınıb yaşayır, amma   şou müğənniləri  birbaşa ictimai tribunalardan özlərinin dəbdəbəli həyatlarını  reklam edirlər.

 Mətbuat, özəl kanallar   ən çox bu adamları  önərləyir, həm də gecə gündüz.  Yazırlar ki, filan   sənətçinin bikinili şəkli    minlərlə  like qazandı.

 Belə təqdimatdan sonra bu  mətbu  nəşrdə ictimai hədəfləri necə  təbliğ etmək olar?

 Zaur Kamaldan   bu qədər narazılıqlar var,insanlar deyir,   mətbuatda yazılır, heç bir təfavütü olmur.  Bu özündən müştəbeh  aparıcı  indi də deyir ki, “Bir dəfə toyda ofisiant çağırdı ki, “orada bir ağbirçək nənə oturub, səni çağırır”. Yanında da oğulları oturub. 30-40 yaşında bir oğlu vəzifəli adamdır.

Gəldim nənənin yanına. Nənə məni qucaqladı, öpdu, oğluna işarə etdi ki, “Zaura pul ver”. Mənim də kostyumumun cibi yoxdur.

Qardaş çıxardır pulları, cibimə qoyur, pullar yerə tökülür, yenə pulları cibimə qoyur, yenə tökülür yerə. Nənə oğluna deyir ki, pullar yerə tökülür. Oğlu isə deyir: “Haçan ora açılacaq, pullar dolacaq, o vaxta kimi pul qoyacağam. ”

 Onda  müəllimlərin, məktəbin  verdiyi  hədəfləri, ölçüləri,  karyera qurmaq   tövsiyələrini  atın kənara. Yeniyetmələr  bunu  şou kanallarından, şou mətbuatından, Nadirdən, Elgizdən, Əli Mirəliyevdən, Tolikdən, Zaurlardan  əxz etsinlər.

 Böyüyən  nəsil görür ki,  cəmiyyətdə kitabxanaçıdan, arxiv işçisindən, müəllimdən  kimlər  şad-xürrəm yaşayır. Uşaqlar görür ki,  şou sənətçiləri harda çal-çağır var,   səyahət və gəzintilər var,    onlar da  oradadır.  Evləri də var, maşınları da , pulları da.   

Yenisabah.az bir  neçə müğənniyə “sizə qeyri-adi, təəccüb doğuran hədiyyələr verilibmi”,- deyə soruşduqda Nadir Qafarzadənin cavabına baxın: “Toydan əlavə, kimsə hansısa müğənniyə hədiyyə verirsə, sabah onun əvəzini çıxacaqlarını bilin. Misal üçün, mənə 5 yox, 10 manat verirlərsə, “iki gündən sonra hansısa yerdə saxladığım qadınla oturmuşam, gecə də saat 3-dür, dur gəl mənim üçün oxu”, – deyə zəng edəcəklər. Bu anda müğənninin də diliqısa olur. Getməsən, “bilirsən, nə var sən pulla aldığım deyilsən?!”- deyəcək.”

  Bu adam   cəmiyyətə hörmət etmir, açıqca deyir ki, hansısa yerdə saxladığım qadınla oturmuşam, özü də gecə saat 3-də.   Belə nümunələr  10-larladır,  100-lərlədir. Onda  məktəb də belə olmalıdır, yeniyetmə də, cəmiyyət də.

   Qəze, sayt oxuyan, televiziyaya tamaşa edən   yeniyetmə  bu  kütləvi informasiya vasitələri  sovet idelogiyasında birmənalı olaraq   tənqid və ifşa olunan adamları  mehriban, rəğbətli bir insan kimi təqdim edəcəksə,   2-3 işbaz  seşdiyi gözəlləri  dünya gözəli  elan edicəksə,  bizim yazdıqlarıza, üzr istəyirəm, bir qoz. Uşaqlar erkən uşaqlıqdan özlərinə,  bax ,bu cür   kütləvi informasiya vasitələrinin    manşetlərindən düşməyənləri   hədəf seçir, hələ  böyük həyata atılmadan  başlarında, xəyallarında   böyük həyat haqqında dumanlı fikirlər  məskən salmış olur.

Şou televiziyalarının və şou mətbuatının   baş qəhrəmanları  örnək ola bilməyən həyatları ilə  uşaqların   aqressiv impulslarını aktivləşdirir, onları  daha aqressiv edə bilir.

 Nadir Qafarzadə gecə saat 3-də kitab oxumağa getməyib ki… Gecənin o vaxtı  sərinləşdirici içki və meyvələr  gündüzdə olduğundan ucuz deyil ki… Cavanşir Məmmədov kimi  gərək meşokla  pul qazanasan ki,   gecə saat 3 -də yanında olan 

Uşaqlar da televiziyada,  kinolarda gördüyü   əyləncəli lüks həyatı təqlid edərək, belə   əyləncəli həyatın ehtirasına qapıla və cinayətkara çevrilə bilər.

   Mütləq senzura lazımdır. Şou layihələri qapadılmalıdır. Heç bir kanal, mətbuat, informasiya vasitəsi  gizlicə qulağına pıçıldanmadan   belə maaririfçilik və ya məlumatlandırıcılıq edə bilməz.Yəqin ki,   əminlikləri var.