Azərbaycan Əsgəri, Novruz bayramın mübarək

Təbriklər

2020-ci ldən üzü bu yana bir ayrı baharı qarşılayır bu torpaq. Səmənidən, Xarıbülbüldən utanmırıq daha. Murdar ayaqların daha tapdalamadığı torpağı xəcalətdən sən xilas etdin, Azərbaycan Əsgəri. Bir vaxt Qarabağ atlarının şahə qalxdığı Cıdır düzündə Paşinyan yallı gedəndə ürəyimizdən qara qanlar axırdı.

Nəhayət, 30 illik həsrətdən sonra sən səssiz-küysüz Şuşaya daxil oldun , heç bir ağır texnika işlətmədən küçə döyüşlərində , üz-üzə, təkbətək döyüşdə düşməninin qəniminə çevrildin. Qaçıb canını qurtaranları çətin ki olsun, qalanaların canına isə aman vermədin. Murdar ayaqları ilə bu müqəddəs torpağa öz ayaqları ilə soxulmuş işğalçının cəmdəyi geriyə ya xərəkdə, ya da meyit üçün nəzərdə tutulmuş xüsusi kisələrdə daşındı. Elə belə də olmalıdır. Bu torpaq dünyanın ən qonaqpərvər bir guşəsidir. Hamının dərdinə şərik olarıq… Süfrələri ruzisiz olanda çörəyimizi vermişik, su içməyə camlarına qədər vermişik. Amma bu xalq hünərdə olduğu qədər ləyaqətdə də öndədir . Xəyanəti bağışlamaz. Namusuna, şərəfinə qıyqaçı baxanların gözünü ovar Azərbaycan əsgəri…

Ekranlardan seyr etdik zəfər yolunuzu. Bizimlə bərabər dünya izlədi sənin xilaskarlıq yürüşünü, Zəfər salnaməni. Müzəffər sərkərdənizlə dünya ölkələrinə Siz zəfər elminin, zəfər strategiyasının İlham Əliyev nümunəsini sübut etduniz.

Düşmən son nəfərinə qədər it qovulan qovuldu. Ali Baş Komadan cənab İlham Əliyev Öz müzəffər ordusu ilə Qarabağı işğaldan xilas etdi. İki əsrdən çox torpağımıza , qanımıza hərisləmiş erməni mifinə son qoyuldu. Dünya özü heyrət etdi Cənab Ali Baş Komandanımızın qalib gəlmək strategiyasına. Və həmin gün cənab İlham Əliyev Vətənə raport verdi:

Əziz Şuşa, sən azadsan!

Əziz Şuşa, biz qayıtmışıq!

Əziz Şuşa, biz səni dirçəldəcəyik!

Qarabağ Azərbaycandır!

Elə Xilasın səhəri günündən azad edilmiş ərazilərdə bərpa və quruculuq işlərinə başlanıldı. Bir-birinin ardınca nəhəng obyektlərin, yaşayış massivlərinin təməlqoyma mərasimləri keçirildi. Və bu mərasimlər indi də davam etməkdədir. Dədə Qorqud da necə demişdilər: Torpağı əkmirsənsə, qorumağa dəyməz, qorumursansa, əkməyə dəyməz. Biz torpaqlarımızı həm xilas edib quruculuq işlərinə başlamışıq, bu quruculuq, bağ-baəat, tarla işlərilə bərabər, həm də torpaqlarımızın etibarlı müdafiəsi təmin olunur. Sənin müzəffər sərkərdən yerli televiziya kanallarına müsahibəsində dilə gətirdiyi bu fikirlə Ermənistana və onu qızışdırablara mesaj verdi

: “Əgər bizə qarşı hər hansı bir təhlükə mənbəyi olsa, biz dərhal o təhlükə mənbəyini məhv edəcəyik. Mən bunu gizlətmirəm ki, sabah heç kim deməsin nəsə gözlənilməz oldu. Qoy eşidən eşitsin ki, biz görsək, bizə qarşı real təhlükə, o Fransanın sınıq-salxaq “Bastion” maşınları, o konserv bankaları yox, real təhlükə yaransa, biz preventiv addımlarla o təhlükəni istənilən nöqtədə məhv edəcəyik”.

Ona görə də Zəfər tariximizdən sonrakı hər Novruz, hər digər şənlik böyük sevinclə, coşğunluqla qeyd olunur. Kimsə səksəkədə deyil, kimsə Ermənistandakı kimi yaşayış yerini dəyişdirmək üçün yollar axtarmır. Bizm torpaqlar Azərbaycanındır, burada bizim ulular yaşayıb və yaşayacaq. Sizin sipər olduğunuz Vətrəni bird aha kimsə yağmalaya bilməz. Yadınızdadırsa, televiziyadan, internetdən izləmisinizsə, 30 il əvvəl işğal faciəmizin ilk hadisələrindən biri idi: saqqallı köpəklər Laçına çox yaxın məsafədən səsgüçləndircilərlə hırıldaya-hırııdaya yerli əhaliyə hədə-qorxu gəlirdilər.

Azərbaycan Əsgəri! Bu işğal illərində erməni vəhşilər bu xalqın dinc əhalisinə hansı rəzalətlər edib, hansı alçaqlıqlara əl atıb, bunların heç də hamısını bilmirik. Bunların çoxu həyatlarına son verilənlərlə torpağa gedib. Çoxunu bacımız, qardaşımız xəcalətdən dilə gətirə bilmir və bilməyəcək də. Sən bunlardan keçə bilmədin, keçmədin də: qardaşlarının, qız və gəlinlərimizin qisasını aldın yağılardan.

Bu gün işğaldan azad edilmiş ərazilərdə nəhəng tikintilər həyata keçirilir. Həmvətənlərimiz öz doğma yurdlarına dönürlər. Siz ki varsınız, bir də o müsibətlər təkrar oluna bilməz.

Onları öz ocaqlarına sən qaytardın. Sənin Müzəffər Sərkərdən qaytardı. Yoxdu da elə bir cihaz təcavüzdən azad olmuş torpaqlarımızın,o yerlərin havasının nəşəsini ölçmək, çəkiyə almaq mümkün olsun. Bu yerdə torpaq da sevinir, hava da… Xarı bülbül də, Cıdır Düzü də, İsa bulağı da, İsti su da, Bəsitçay da, çinar meşəsi də…Yuvalarından perik düşmüş quşlar da, o illərinuşaqlarının qoyub tərk etdikləri oyun yerləri də….

Bütün bunlar üçün Sizə minnətdarıq, Azərbaycan Əsgəri, cənab Ali Baş Komandan! Bu gün o torpaqlarda hər evdə göyərdilmiş səmənilər kəlbəcərli qardaş-bacılarımızın, Laçından, Ağdamdan, Füzulidən, Qubadldan, Şuşadan, Zəngilandan oln qardaş-bacılarımızın ümidlərinin, arzularının səmənisidir, ümid səməniləridir bu Novruz səməniləri. Bu torpaq tezliklə öz ahənginə qayıdacaq, inşallah…Bu torpaqlarda toy çadırları qurulacaq, dünyaya körpə gələcək…

Bu ümidi, əminliyi torpağımıza bəxş etmək idealları uğrunda Birinci Qarabağ müharibəsindən Zəfər tariximizə qədər neçə-neçə oğlun-qızın şəhid oldu. Onların heç birini unutmuruq, unutmayacağıq da. Onların şöhrət dastanları hələ bundan sonra yazılacaq. Allah hər birinə rəhmət etsin.Ruhları qarşıısnda baş əyirik… Siz onların ideal qardaşlarısınız. Qardaşlarınızın ideallarını şərəflə həyata keçirmisiniz. Siz Vətənin alınmaz, keçilməz qalalarısınız…Bu gün bütün evlərimizdə böyük bayram coşqusu yaşanır. Bu anlarda Laçının, Kəlbəcərin qarlı, şaxtalı aşırımlarında, gədiklərində keşikdəsiniz. Bizi qoruyursunuz, torpaqlarımızı qoruyursunuz… Amma hər biriniz burda hər bir evdəsiniz, hər birimizin dualarındasınız.Allah əmanətində.Birinizin başından bir tük belə, əskik olmasın. Soyuq, külək sizə təsietməsin. Sağ-salamathər biriniz doğmalarınıza qayıdasınız…