Mövqe
Təqvimin əlamətdar günləri çoxdur. Bu günlərin hər birinin öz yeri, öz zərurəti var. Bunlardan biri də Atalar Günüdür. Bu gün ilk dəfə 1910-cu ilin iyun ayının 19-da Amerikada qeyd edilb.
Vilyam Smart adlı amerikalı bir zabit 6 uşağını anaları olmadan təkbaşına böyütmüşdü. Anası Doddu dünyaya gətirərkən dünyasını dəyişmiş, ata balalrına sahib çıxmış, övladlarının həm atası,həm də anası olmuşdur. Bəlkə də Ana zəhmətinin, Ana haqqının, Ana ülviyyətinin hansı dərcədə müqəddəs olduğunu Smart qədər ancaq bu qayğıları çəkən,yaşayan adam dəyərləndirə bilər. Amma Smartın əməyini, övlada və ailəsinə olan məhəbbətini qızı Dodd hesaba ala bilmişdi.
O istəyirdi ki, onu böyüdüb bu yaşa çatdırdığı üçün atasına minnətdarlığını bildirsin. Amerikalı bu xanım həm də istəyirdi ki, atasına ehtiram olaraq başına gətirdiyi bu ideya bütün atalara aid olsun.
1966 cı ildə ABŞ prezidenti Lindon Conson iyun ayının üçüncü bazar gününü Milli Atalar Günü kimi qeyd olunmasını elan etdi. Ənənəyə görə bu gün imkanlı şəxslər təkbaşına uşaq böyüdən atalara yardım edirlər. Sonra zaman keçdikcə digər ölkələrdə də bu günü qeyd etməyə başladılar.Əvvəlcə Roma, Kosta-Rika, Cənubi Afrika, Kuba, Kolumbiya bu ənənəyə qoşuldu, daha sonra İrlandiya, Yaponiya, Malaziya,Malata, Meksika,Niderland, Filippin,Finlandiya, Böyük Britaniya, Sinqapur, Slovakiya,İsveçrə, Türkiyə və sair ölkələr Atalar Gününü qeyd etməyə başladılar.
Azərbaycanda bu gün qeyd edilməsə də, insanların münasibəti çox müsbətdir. Ailə bir körpüdr. Onun bir ucu ananın çiyinlərindəsirsə, o biri ucu da atanın çiyinlərindədir. Onları fərqləndirmək, bir-birindən ayırmaq olmaz. Həyat göstərir ki, ailədə qarşılıqlı hörmət və etimad yüksək olarsa, həmin ailənin uşaqları sağlam və xoşbəxt olurlar. Onlar həyatda öz uğurlu yerlərini əziyyət çəkmədən tapa bilmirlər. Onlar d valideynləri kimi ailəcanlı, məsuliyyətli olurlar. Bİr mahnıda deyildiyi kimi, “əgər üzük yoxsa, qaşı neylərəm”. Bəli, ailə üzvlərindən biri üzüksə, o biri də onun qaşıdır. Hansının üzük, hansının qaş olması önəmli deyil. Önəmli olan bunların bir yerdə olması, birinin digərini tamamlamasıdır.
Qoy ailələrin zəhməti itməsin. Bütün ata-analar bir yerdə ailə xoşbəxtliyini yaşasınlar.
Qeyd: Yazı internet məlumatlarına istinadən təqdim olunur və onu da qeyd dək ki, bu gün təqvimə görə fərqli günlərə təsadüf edir.
“ Ana və Uşaq" 