Baş redaktordan
Tvitterdə Ese Üner adlı xəbər aparıcısının fikirləri ilə rastlaşdım. Ese Üner Tvitterdə kömək istəyənləri vicdansız adlandıran Ərdoğana cavab verib: “Zəlzələ qurbanlarının səsini eşitdirmək, ağrılarını dilə gətirmək şərəfsizlikdirsə, ən böyük şərəfsizlik bizik!”
Sayın Ərdoğan bu fikri harda deyib bilmirəm və bilsəm də, mən jurnalistin deyil, sayın Ərdoğanın fikrini dəstəkləyəcəyəm. Başa düşdüyüm budur ki, sosial şəbəkələrdə yardım üçün ağlayan insanlara Ərdoğan şərəfsiz deyib. Zəlzələ ilə əlaqədar televiziyadan da dünyaya kömək üçün müraciətlər edilib . Jurnalist də demək istəyir ki, əgər yardım istəmək şərəfsizlikdirsə, biz ən böyük şərəfsizik, daha geniş imkanları olan tribunadan biz də müraciətlər edirik. Xanım birmənalı olaraq yanlış mövqedədir. Deyəsən, mərkəzdənqaçan qüvvələrə xidmət edənə oxşayır.
Biz faciənin dəhşətlərini tam olmasa da, ciddi şəkildə anlayırıq. Özümüzü dağıntılar altında qalmış hər bir insan yerində hiss edirik. Bu canıyananlığı hər gün bütün Azərbaycanda hiss edirik. Hamımız Türkiyə ilə nəfəs alırıq. Amma bütün bunlar üçün ən ağır məsuliyyət Türk dövlətinin, sayın Ərdoğanın üzərinə düşür. Sayın Ərdğan vəziyyəti stabilləşdirmək üşün, insanları dağıntının altından çıxarmaq üçün nə lazımdır edir və edəcək. Türkdilli ölkələr hər gün yardım göndərməkdədir. Belə vəziyyətdə kiminsə sosial şəbəkədə ağlayıb yardım istəməsi Türk dövlətinin qüdrətinə zərbədir. Həmin ağlayan qardaşımız, bacımız bizimdir, həmin vəziyyətdə onların psixoloji durumları gərgin olub. Amma bu şəkildə müraciət doğru deyil. Dünyanın gözü bu gün Türkiyədədir. Dostlarımız nə qədər çox olsa da, düşmənlərimiz də az deyil. Onlar baş verənləri ürəkləri yanıb izləmirlər. Onlar bizim yıxıla biləcəyimizi zənn edib bu prosesi izləyirlər.
Amma Qüdrətli TÜRK yıxılmaz, əyilməz, məğlub olmaz, yox olmaz. Türk yox olacaqsa, dünya da yox olacaq… İndi belə bir xalqın nümayəndəsi dünyanın gözü qarşısında ağlamamalıdır.
Bir sovet filmi vardı. İkinci Dünya müharibəsində sovet əsirlərindən bəhs edir. Almanlar əsirləri ən ağır işlərdə işlədir. Geyimləri nazik, taxta, dəmir çarpayılar , doyunca da qida yox… Epizodların birində onları nahar vaxtı yeməkxanaya gətiriblər. Uzun bir yemək stoludur, üstündə də keyfiyyətsiz yeməklər. Əsirlər də stolun önündə və arxasında cərgə ilə düzülüb “Əyləş” komandasını gözləyirlər. Ac, üstəlik yorulub gəlmiş əsirlər taqətsizdir.Faşistlər də özləri bilərəkdən yeməyə başlamaq komandasını gec verirlər və kənardan baxıb bu mənzərədən zövq alırlar. Bu zaman sıradan 2-3 nəfər əmri gözləmədən stolun arxasına keçib acgözlüklə yeməyə başlayırlar. Əlbəttə, təsirlənməmək olmur. Amma həmin 2-3 əsir əsgər də dözüb düşmən qarşısında sınmasaydılar, daha şərəfli olardılar.
Emosiya ilə danışmaq lazım deyil. Türkiyə tarixdə çox fəlakətlərə dözüb, bu fəlakətlərdən şərəflə çıxıb. İndi heç bir kəsin dövlətin, onun liderinin əleyhinə fikir bildirməsi, mənfiliyi dilə gətirməsi yolverilməzdir.
Biz bütün günü Türkiyədəki vəziyyəti izləyirik. Ölkədə matəmdir.Amma qüvvələr var ki, məhz bu cür mövqe sərgiləyirlər. Xüsusən, CHP başqanı, İstanbul Böyükşəhər Bələdiyyəsinin sədri eləcə də , bir çox mətbuat nümayəndələrinin mövqeyi narahatlıq doğurur.
Adını bilmədiyim biri də dağıntıların birinin ətrafında gəzə-gəzə vəziyyətin acınacaqlı olduğunu bildirir. Deyir ki, dövlətin, ordunun gördüyü işlər yetərli deyil. Vertolyotlar havada uçuşurlar, yerdə işləmək lazımdır… Əlbəttə, dünyanın ən dəhşətli zəlzələsi ilə üz-üzədir Türkiyəmiz. Dövlət də, sayın Ərdoğan da ən üstün səviyyədə fəlakətin nəticələrini aradan qaldırmağa çalışır. Belə vəziyyətdə işləmək kimsəyə asan gəlməsin.
Belə məlumat verən şəxs kimdirsə, səmimi deyil. Sən kimsən axı fövqəladə vəziyyət halında insanlarda çaşqınlıq və etimadsızlıq yaradırsan. Üzərində kimlik kartı da kartı yox ki, deyəsən jurnalistdir. Başqalarını günahkar saymaqdansa, yaxınlıqdakı dağıntıdan gücün çatan 50 daşı kənara daşısan, bu, daha faydalı olardı. Dağıntı altında qalmış şocuğumuzun üstündəki 200-250 kq yüngül olardı.
Əslində, jurnalistdə belə ekstremal halda daha çox insanlarda ümid yaratmalı, dövlətə olan inamlarını qorumalıdır. Daha yazının əvvəlində qeyd etdiyimiz telekanallarının Ese Üner adlı xanım xəbər aparıcısı kimi yox.
CHP-dən olan Engin Altay deyir ki, bu hökumət dünyanın ən yaxşı işini görsə, onları alqışlayacaq halımız yox. Heç alqışlama da. Sayır Ərdoğanın idarə etdiyi dövlətə kosmetik alqış heç lazım da deyil.
Daha kimdirsə,tanımıram.Dəstəsi ilə küçədə gəzişərək deyir ki, dövlət yox, polis yox, yemək yox, yatacaq yox.
Siz belə adamların Türkiyəyə sədaqətinə inanırsınız? Partiya sədrləri dərhal fövqəladə hal rejimin tələblərinə uyğun olaraq partiya fəallarından könüllü dəstələr yaradardı, hərə bir işin qulpundan yapışardı, dövlətə, polisə, ölkə başçısına kömək edərdi. Bunlar istəyirlər ki, narazılıq daha çox olsun, xaos və dövlətə etimadsızlıq yaransın. Görək bunlar hakimiyyətə gələ bilərmi?
Yanılırsınız, cənablar. Ən pis dövlət belə, sövlətsizlikdən 100 dəfə yaxşıdır. Halbuki, bu gün dünya düzənində Türkiyə kimi qüdrətli bir dövlət var. Televizora, internetə baxmırsınızmı. Dünya bu günlər Türkiyəyə kömək üçün axışıb gəlir.Bu, sayın Ərdoğanın şəxsi nüfuzuna görədir. Kömək etmək istəmirsiniz, Türkiyəyə mane də olmayın.
Ekranlarda dağıntılar altından çıxarılan körpələrin qorxudan, həyacandan hədəqəsindən çıxmış gözlərinə yaxşı baxın… Cavbdehlik daşıyın…Məsuliyyət daşıyın.
Bu gün bəladan tez çıxmaq istəyiriksə, yumruq kimi ölkə başçısının ətrafında cəm olub , qarşılaşdığımız, qarşılaşa biləcəyimiz fəlakətləri aradan qaldırmalıyıq.
Türkiyə bütün Türk dünyasınındır. Türkiyə and yerimiz, güvənc yerimizdir. Bir xalq o zaman qüdrətli olur ki, ləyaqətli olur ki, onun müdrik insanları var, namuslu qadınları var. Allah bunların ikisini də Türkiyəyə bəxş edib.
17-ci əsrdə yaşamış ingilis yazıçısı Lady Mary Wortley Montagunun Türk qadınları haqqında dedikləri ncə möhtəşəmdir:
“Türk qadınlarının ən böyük bəzəyi Türk olmalarıdır. Onlar bəzənmək üçün almaz və ya zümrüd taxarlar, bəlkə üzərilərində daşıdıqları o daşların özünü Türk qadınları bəzəmiş və qiymətləndirmiş olurlar. Çünki hər Türk qadını canlı bir inci və qiymətsiz bir brilyant”. Bu brilyantlar Türk kişilərinin ömrünü zinətləndirir. Beyinlərinə, fikirlərinə işıq saçır.
Bu anlar Türkiyə öz tarixinin ən məsul dövrünü yaşayır. Bir tərəfdən təbii fəlakət, digər tərəfdən də sapı özümüzdən olan baltalar. Onda Türkiyənin, Türk xalqının mövcud olması üçün bütün qayğı Sizin üzərinizə düşür, Türkiyənin müdrik insanları, dəyərli Analar və gənclər. İnşallah, nə qədər qəhərli olsa da, zəlzələnin dağıntıları, inşallah, zamanla bərpa olunacaq. Qarşıda Türkiyəni daha bir sınaq gözləyir: Prezident seçkiləri. Siz orada bu baş verənlərin əhatəsindəsiniz. Biz isə, sadəcə, televiziyadan, internetdən bilirik. Kim iddialıdır özü bilər. Amma Sayın Ərdoğan bizə görə şəksiz Liderdir.
Bu günlər fəallaşan, eyforiyada olan qüvvələr fəallaşıblar. Onlar sizi üstələyə bilməzlər. Hər kəs bu hədəfə xidmət etməlidir. Müdrik insanlarımız xalq içərilərinə getsinlər. Türkiyənin gələcəyi üçün bizə birlik gərəkdir. Yenilməz Türk liderini daha yenilməz etməliyik…
“ Ana və Uşaq" 
Hörmətli istifadəçilərimizi yazılar haqqında münasibət bildirməyi, öz təklif və iradlarını bildirməyə dəvət edirik.