Gün və bayramlar
Ələkbər Ziyatay- Qocalar, ay qocalar
Bizə ümid oldunuz,
Bizə dayaq oldunuz.
Xöşbəxt səhərimizçün
Gecə oyaq oldunuz.
Ürəyimiz hər zaman
Qayğınızla ucalar.
Biz sizə minnətdarıq,
Qocalar, ay qocalar
Siz bizi gələcəyə
Səsləyən yollarsınız.
Qocalar, ay qocalar
Nə yaxşı ki varsınız.
Ürəyimiz hər zaman
Qayğınızla ucalar.
Biz sizə minnətdarıq,
Qocalar, ay qocalar.
Qəlbiniz bir kitabdır,
Varaq- varaq açılır.
Bizim ağ günümüzçün
Ağarmışdır saçınız.
Ürəyiniz hər zaman
Qayğınızla ucalar.
Biz sizə minnətdarıq,
Qocalar, ay qocalar.
Siz bizi gələcəyə
Səsləyən yollarsınız.
Qocalar, ay qocalar
Nə yaxşı ki varsınız…
Bu gün Ahıllar günüdür. Bütün dünyasını dəyişmiş ahıllarımızın məkanı cənnətlik olsun. Ətrafımızda yaşayan ahıllar bizim ulularımızdır. Uşaq yaşlarımdan çoxqocalar , çox ahılla görmüşəm. Onda insanların qocalara, ahıllara və qadınlara münasibəti qat-qat daha səmimi idi. Hansı məsələdən narahatçılıq etsən, hər mətbu subyektin məxsusi yazarları var, yuyub sərəcəklər səni. 30-40 il əvvəl qocalar daha fəal idi, məclislərin başında ağsaqqallar olardı. Kəndin müxtəlif yerlərində onların söhbətgahları olardı.İndi nadir halda gözünə ahıl , ağbirçək dəyər…
Unutmayın, biz öz gələcəyimizi görə-görə yaşa doluruq. Elə bu andan dəyişək ahıllarımıza münasibəti. İtiləyək sevgilərimizi…Əgər sevirsinizsə, fürsətdir, daha çox edin bu səmimiyyəti. Fani dünyadır, sonra gec olar…
“ Ana və Uşaq" 
Hörmətli istifadəçilərimizi yazılar haqqında münasibət bildirməyi, öz təklif və iradlarını bildirməyə dəvət edirik.