“ Ana və Uşaq"

Son günlər  kütləvi informasiya vasitələrinin manşetlərində diqqəti  cəlb edən mövzulardan biri də  Fransanın Evian-le Bən şəhərində  məşhur  Azərbaycan şairəsi  Natəvanın ucaldımış heykəlinə qarşı  törədilmiş vandalizm hərəkətləri törədilib, abidənin üzərinə boya atılıb.

Xatırladırıq ki, 2017-ci ildə İsmayıllı və Fransanın Evian-le-Bən şəhərləri arasında imzalanmış dostluq və əməkdaşlıq xartiyası çərçivəsində Evian şəhərində — Leman gölü sahilində “Azərbaycan Parkı”nın rəsmi açılış mərasimi olub.   Parkda eyni zamanda “Dostluq” bulağı və XIX əsr Azərbaycan şairəsi, Qarabağın sonuncu xanı Mehdiqulu xan Cavanşirin qızı  Xurşidbanu Natəvanın heykəlinin (Heykəlin müəllifləri: Salhab Məmmədov və Əli İbadullayev) də açılış mərasimi olub.

Fransanın “Le Messager” nəşrinin məlumatına görə, 2023-cü il dekabrın 18-də müxalifət nümayəndələri bələdiyyə şurasından şəhərdə bu parkın adı çəkilən bütün lövhələrin rəsmən götürülməsini tələb ediblər. Şəhərin meri Jozian Leyin sözlərinə görə, artıq “Azərbaycan parkı” ilə bağlı bütün istinadlar silinib.

Heykəlin mühafizəsi məqsədilə sonradan üzərinə qoruyucu örtük sarılıb.

Fransa Azərbaycanlıları Koordinasiya Şurası Evian-lö Bən şəhər meriyasına etiraz edib. Azərbaycan dövləti bu məsələni ciddi olaraq  diqqət mərkəzində saxlayır.  Amma  hər bir Azərbaycan vətəndaşı  belə hadisələrdən hiddətlənir.

Qəribədir ki, siyasi sahədə Azərbaycanın uğurlarına  qarnı ağrayan Fransa indi də  mürtəce siyasətini mədəniyyət və incəsənət sahəsinə də keçirib. Özü də mədəni irsin mühafizəsinə cavabdehlik daşıyan UNESCOnun İqmətgahı məhz  Fransanın  paytaxtı Parisdə yeləşdiyi halda.  Mən də sadə  bir  vətəndaş  olaraq  baş verənlərdən təsirlənərək öz fikirlərimi bildirmək istəyirəm.

Görkəmli şairə Natəvanın həmvətəni –  ” Armed Mişel”,  “Fraji”,  “Xarqo”  və başqa adlarla   Fransanən azadlığı uğrunda döyüşlərdə iştirak etmiş, misilsiz qəhrəmanlıqlar göstərmiş  Əhmədiyyə Mikayıl oğlu Cəbrayılova  Fransanın  Milli Qəhrəmanı adı verilib  və “Fəxri legion” ordeni ilə təltif olunub. Bu orden hərbi paradlarda, rəsmi keçidlərdə  ona generallardan qabaq getmək hüququ verirdi. İndi bu xalqın qadınına, onun abidəsinə belə yanaşmaq özünü  mədəni sayan fransızları heç edir. Onların saxta   humanizmini  bəlirtələyir.

Guya fransızlar  dünyanın ən nəzakətlixalqlarından biri sayılır: lap birincisi hesab edənlər də var. Bir yazıçı bunu sübut etmək üçün demişdir ki,  bu yaxınlarda Parisin köhnə bir qəbristanlığında üzərinə   adamı  heyran qoyan bir yazıya rast gəldim. Məzar daşınının üstündə yazılmışdı: “Mənim istirahət yerimə yaxınlaşanda  ayağa qalxıb sizi salamlamadığım üçünüzr istəyirəm”

Kosmetik vasitələrlə  zahiri təbəddülat yaratmaq olar, amma əxlaqi-mənəvi gözəllik,  əsl humanizm və demokratik dəyərlər olmadan kimlərinsə özlərini mədəni, demokratik ölkə saya bilməz.