Maraqlı məlumatlar
Bir çox cütlüklər bir-birlərini internet vasitəsilə tanımışdır. Amma hələ də əski zamanlarda, nəqliyyatın, rabitənin modern formaları olmayan dövrlərdə olduğu kimi ünsiyyət yaradan formalara rast gəlmək olar.
Məsələn, internet texnologiyaları insanlara bu gün faydalı, faydasız bir çox üstünlüklər qazandırmışdır. Deyək ki, “Tanışlıq proqramları” vasitələri ilə insanlar bütün sərhədləri, dil din fərqliliklərini keçərək tanış olur, hətta ailə də qururlar. Amma “Tanışlıq proqramları” olmayanda da insanlar ünsiyyət yarada biliblər, görüşüblər də, bəs necə? Bu sualın cavablarından birini də indi təqdim edəcəyimiz məlumatdan biləcəksiniz. Biləcəksiniz ki, Eutin yaxınlığındakı meşədə təbiət abidəsi kimi qeydə alınmış 500 yaşlı bir palıd ağacı 100 ildən artıqdır ki,sevgililərini tapmaqda çətinlik çəkmişləri, hansı səbəbdəndə taleləri uğursuz olmuşları bir araya gətirmişdir.
Ağac Eutindən Plön istiqamətində ayrıldıqdan qısa müddət sonra Bundesstraße 76-dan ayrılan bir meşə yolunun yaxınlığındadır və bu, işarə ilə işarələnmişdir.
Ünvan: Brautseiche, Dodauer Forst, 23701 Eutin, Germany.
Ağacın 500 ildən çox yaşı var. Magistral çevrəsi 5 metr şaxələndiyi ətraf 30 metr , hündürlüyü isə 25 metrdir.
Ağac taxta hasarla əhatə olunmuşdur.
Bu palıd, sanki bir ictimai poct qutusudur . Çuxurdan ibarət bu qutu paladin gövdə hissəsinin ortasında yerləşir.
Məktubları həmin çuxura qoymaq üçün nərdivandan istifadə edilir.
Poçtalyon Jule Engeldinger deyir: ” Bu ünvana Avropanın hər yerindən, eləcə də ABŞ və Yaponiyadan məktub və açıqcalar gəlir…
Bu köhnə palıdın hekayəsi XIX əsrin sonlarına gedib çıxır. Həmin illərdə Mina Fell adlı qız şokolad ustası Vilhemə aşiq olur. Amma bu iki şəxsin münasibətinə qarşı olan qızın atası bu iki sevgilinin görüşünü qadağan edir. Bu iki sevgili ayrılsa da, münasibətlərini kəsməyiblər. Onlar bir-biri ilə məktubla əlaqə saxlayırdılar. Bunpalıdın altında gizli görüşüblər. Görüşə bilməyəndə ürək sözlərini yazıb ağacdakı çuxura qoyublar. Haqqında danışdığımız palıd ağacı onların sevgilərinə pasibanlıq edib.
Təxmin etdiyiniz kimi, bu iki şəxs məktublarını palıd ağacının çuxurunda saxlayırdılar. Bir ildən sonra Minanın atası qızı ilə şokoladlı oğlan arasındakı gizli münasibətdən və yazışmalardan xəbər tutur. Amma bu dəfə cəzalandırmaq əvəzinə bu ikisinin evlənməsinə icazə verir.
Yazılmışlara görə, bu iki şəxs 1891-ci il iyunun 2-də palıd budaqlarının altında nikah müqaviləsi imzalamışlar: bu iki sevgilinin vüsal niyyətini hifz edən palıd, nəhayət , onları birləşdirmişdir. Bu gənc cütlüyün sevgi hekayəsi bütün ətrafa yayıldı və bundan sonra əsl sevgi axtaranlar məktublar yazıb ağacın çuxuruna qoymağa başladılar.
Ağacla bağlı bir inacda mövcuddur, o da budur ki, qız uşağı öz sevgilisini düşünərək danışmadan, gülmədən üç dəfə ağacın ətrafında gəzərsə, il ərzində evlənəcək.
1927-ci ildən bu ağac o qədər məşhur oldu, hətta poçt şöbəsi onun üçün xüsusi ünvan təyin etdi ki, insanlar əhalisi ölkənin hər yerindən ağaca məktub göndərə bilsin: Brautseiche, Dodauer Forst, 23701 Eutin.
Bu qocaman ağacı ziyarət edərkən eşq axtaranlara ağac çuxurunun içindəki bütün yazışmışları götürüb oxumağa icazə verilir.
Ancaq onlar yalnız cavab vermək istədikləri variantı götürə bilərlər, qalan yazılar isə çuxura qaytarılmalıdır ki, sevgi və sevgili axtaranların qalan hissəsi onlara çata bilsin.
Bu ağaca məktubların çatdırılmasına cavabdeh olan 72 yaşlı poçtalyon deyir: “Bu ağac çox sehrli və qeyri-adi bir dünyadır. İnternetdə onun yüzdən artıq adamı birləşdirdiynə aid faktlar var. Artıq yüz ildən də artıqdır ki, aşiqlərin əbədi ömür yoldaşı tapmasını xidmət etdiyi üçün ziyarətgaha çevrilib.
Eutindən olan Renate Voigt deyir: “Mən təxminən 15 il əvvəl palıd ağacının arasında həqiqətən gözəl bir centlmenlə tanış oldum”. “Biz bir neçə dəfə görüşdük, yeməyə getdik və yelkənli səyahətə çıxdıq. indi 74 yaşındayıq….”
Bu gün də belədir.
Sevgilisini tapmağa can atan ürəyi qırılan sevgililər bu ağaca məktub göndərir. Bu gün, həqiqətən də, Almaniyanın Şlezviq-Holşteyn bölgəsində Eutin yaxınlığındakı meşədəki xeyirxah palıd ağacının tapdığı sirdaşlara inam daha çoxdur. Odur ki, palıd ağacının ünvanına kağız məktub göndərmək Almaniyada sevgi tapmağın ən yaxşı yollarından biridir. Bu ağacın itirilmiş yarısını tapa biləcəyinə inananlar üçün ağac üçün ürək sözlərini yazıb, taleyin onları nələr hazırladığını və bu yolun onları dostlarına, yoxsa özlərinə aparacağını gözləməkdən böyük zövq yoxdur, yox…
Qeyd: Yazı vikipediya məlumatlarından istifadə ilə təqdim olunur.
“ Ana və Uşaq" 