Əlac/Xalq təbabəti

Başağrısı başın və ya yuxarı boyunun müəyyən bir hissəsində yaranan ağrı deməkdir.
Bu ağrı  insanlar arasında  geniş yayılmışdır.  Belə şikayəti olan insanların 70% də bu   hal təkrarlana bilər. Amma başağrısı həyat keyfiyyətinə mənfi təsir göstərsə də, əksər hallarda həyati təhlükə yaratmır.

Sadəcə, beynimizin özü ağrıya həssas deyil. Başımızdakı ağrıya həssas quruluşlar bunlardır: kəllə sinirləri, arteriya və damarlar, baş dərisi və boyun əzələləri, dəri, səthi sinirlər, sinuslar, xarici eşitmə kanalı və qulaq pərdəsi, göz bəbəyi və ətraf quruluşlar, tüpürcək vəziləri, dişlər, çənə oynağı, yuxu damarı və onun şaxələri.  
Başağrısı  küt, kəskin, davamlı, fasiləli, yüngül və ya ağır ola bilər.
Başağrısı  həm də bir çox xəstəlikləri göstərə bilən əlamətlərdən biridir. Digər tərəfdən, bu simptom heç bir xüsusi səbəb olmadan baş verə bilər və naməlum olaraq qalır. Əgər siz də başağrılarından əziyyət çəkirsinizsə, bunları  bilməlisiniz: başağrılarının səbəbi nədir, müalicəsi necə aparılmalıdır.  
Başağrıları, ümumiyyətlə,  iki əsas kateqoriyaya bölünür: birincili və ikincili.
İlkin başağrıları:
Gərginlik tipli başağrıları:
Bu, başağrısının ən çox yayılmış növüdür. Adətən, stress, əzələ gərginliyi və ya zəif duruş nəticəsində yaranır.
Migren
Şiddətli, çırpınan ağrı ilə xarakterizə olunur. İşığa, səsə və qoxuya qarşı həssaslıq kimi  simptomlarla müşayiət oluna bilər.
Küme başağrıları
Göz ətrafında meydana gələn və birtərəfli olan şiddətli ağrı.
İkinci dərəcəli başağrıları:
 Başağrılarının müxtəlif səbəbləri ola bilər. Bunlara stress, yuxu pozğunluqları, susuzluq, aclıq, göz yorğunluğu, miqren, sinüzit, diş problemləri, yüksək qan təzyiqi, boyun əzələlərinin gərginliyi və bəzi dərmanların yan təsirləri daxildir. Daha az rast gəlinən hallarda, beyin şişləri, qanaxma və ya infeksiyalar kimi ciddi sağlamlıq problemləri də başağrısına səbəb ola bilər.

Qeyri-kafi və ya həddindən artıq yuxu; aşağı qan şəkəri, aclıq, kofein və ya spirtdən imtina; menstruasiya və ya hamiləlik kimi hormonal dəyişikliklər, eləcə də   ətraf mühit amilləri, məsələn, parlaq işıqlar, yüksək səslər və ya xoşagəlməz qoxular da bəzi insanlarda başağrılarına səbəb ola bilər.
Başağrınız varsa, ağrının səbəbini müəyyən etmək və müvafiq müalicə almaq üçün nevroloqa müraciət etməlisiniz.

Qeyd: Yazı tərcümə yolu ilə təqdim olunur.