“ Ana və Uşaq"

Vətən sərhəddən başlayır

Abuşov Bəhruz Zabit oğlu 1983-cu il iyun ayının 18-də Qəbələ rayon Nohurqışlaq kəndində anadan olub.

1989-2000-ci illərdə Nohurqışlaq kənd tam orta məktəbində təhsil alıb. 2000-2004-cü illərdə Heydər Əliyev adına Azərbaycan Ali Hərbi Məktəbində (AAHM) ali təhsil alıb.Türkiyədə xüsusi kurslar keçib,  sərkərdəlik  məktəbinin  incəliklərini öyrənib,  xüsusi bacarıqlara yiyələnib.  Akademiyanı bitirdikdən sonra 2005-ci ildə “N” saylı hərbi hissədə işləməyə başlayıb. 2010-cu ildə Qobustanda “N” saylı hərbi hissədə Kimya xidməti rəisi vəzifəsində işləməyə başlayıb. Daha sonra  həmin hərbi hissə komandiri vəzifəsində çalışıb.

2020-ci il sentyabrın 27-də Vətən Müharibəsi başlayanda Bəhruz əsgərləri ilə birlikdə ön sırlarda döyüşməyə başlayıb. İlk döyüş yerləri Murovdağ silsiləsi olub. Sonra Cəbrayıl, Hadrut qəsəbəsi, Tuğ, Azıx mağarası, Böyüktağlar kəndləri, Çanaqçı, Zərdanaşen, Mədətlər, Sığınaq kəndləri, Daşaltı və Şuşada döyüşüblər.

Bəhruz  döyüşlərin birində ciddi yaralansa da, hospitalda cəmi 2-3 gün qalıb. Yoldaşları təkidlə ona “sağalmadan döyüş meydanına qayıtma” desələr də o, “Mən əsgərlərimi və zabit yoldaşlarımı orda tək qoya bilmərəm”  cavabını  verib  Müalicə ounduğu xıstəxana rəhbərliyinə və daha yuxarıranqlı  komandirlərə müraciət edərək ön cəbhəyə –  səgərlərinin arasına  qayıtmışdır.

 Şuşada istər açıq döyüşlərdə, istərsə də  yaralıların daşınmasında   xüsusi fəallıq göstərib.  Əsgərlərinə xüsusi   rəğbəti vardı. Hər dəfə deyirmiş ki, biz belə əsgərlərimizlə Şuşanı mütləq alacağıq.   Səngər qardaşları  Şuşadakı xüsusi şücaətinə görə Bəhruza “Şuşa qartalı” adı veriblər”.

Döyüşlərdəki uğurlu əməliyyatlara görə  ona   polkovnik-leytenant rütbəsi  veriblər.   Amma çox təəssüf ki,    qəhrəmanınımız düşmən  gülləsinə tuş gəldi.

  8 noyabr 2020-ci  ildə  qanlı döyüşlərdə qəhrəmancasına  həlak oldu.  37 yaşında şəhadətliyə ucaldı Bəhruz Abuşov.

Bəhruz Abuşov  anadan olduğu  kənddə torpağa tapşırılıb.    Xatirəsinin əbədiləşdirilməsi istiqamətində  işlər  görülməkdədir.

Təltifləri :

1. (26.06.2008) — “Azərbaycan Silahlı Qüvvələrinin 90 illiyi” yubiley medalı

2. (26.06.2013) — “Azərbaycan Silahlı Qüvvələrinin 95 illiyi” yubiley medalı

3.  (26.06.2014) “Qüsursuz xidmətə görə” 3-cü dərəcəli medalı

4. (26.06.2018) — “Azərbaycan Ordusunun 100 illiyi” yubiley medalı

5. (26.06.2019) — “Qüsursuz xidmətə görə” 2-ci dərəcəli medalı

6. (15.12.2020) — “Vətən uğrunda” medalı (ölümündən sonra)

7. (24.12.2020) — “Cəbrayılın azad olunmasına görə” medalı (ölümündən sonra)

8. (29.12.2020) — “Şuşanın azad olunmasına görə” medalı (ölümündən sonra)

9. (29.12.2020) — “Kəlbəcərin azad olunmasına görə” medalı (ölümündən sonra)