“ Ana və Uşaq"

Qadın, Ana, Ailə dəyərləri

Əməkhaqqı yox, istirahət günü yox, bayram günü yox, məzuniyyət yox!!!İş də ki heç vaxt qurtarmır, gördükcə də, bir tərəfdən yeniləri çıxır.

Bunları süni simpatiya qazanmaq üçün demədim, fikirləşmədim. Sadəcə, digər mövzu üçün məlumat toplayanda ipucu kimi beynimə bu ideya gəldi.

Bu, ən böyük ədalətsizlidir. Bütün qadınlar bütün həyatları boyu qadınlıq, analıq şərafətləruni yerinə yetirsələr də, cəmiyyətə daha çox xidmət edirlər. Bütün həyatları boyu cəmiyyətin nizamının pozulmaması üçün fəaliyyət göstərən, mövcud olan mətəbəqədər və məktəb müəssisələrini övladları ilə qaynar həyata çevirirlər. Cəmiyyətin müxtəlif istehsal proseslərində fəaliyyət göstərən onların ərləri, oğullarıdır. Qadınlar onların qulluğunda durur. Qadınlar ərlərin ocağında keşik çəkirlər: işləyən ərləri ev sarıdan çox xatircəm olurlar. Qadınlar , çox təəssüf ki, evdar adlandırırlar. Halbuki, onlrın əməyi hansısa dövlət müəssisəsində çalışan işçinin, qulluqçunun fəaliyyətindən heç də az deyil, asan deyil.

Amma onlara bütün ömürləri boyu elə evdarqadın dedilər. Yaş gəlib təqaüdə çıxanda da sən evdarqadın olmusan deyə cüzi bir sosial müavinət ayırırlar. Mənim fikrimcə, Milli Məclisdə bu məsələyə bir başqa baxışa yenidən qiymət verilməlidir. Evdarlıq da əmək stajı kimi hesablanmalıdır.

Bir ədalətsiz yanaşma da budur ki, ( elə özüm də belə olmuşam) belə məsələlərdən söhbət düşəndə proletar da deyir ki, mənim xanımım evdar qadındır, işləmir…(???).

Mən bunları anamın timsalında göz önünə gətirim. Qonşuda, qohumda gördüyüm anaların, bacıların timsalında göz önünə gətirdim. Biz deyəsən axı bir az insafsızıq, heç olmasa fərdi qaydada bunu dəyərləndirə bilmərikmi? Axı “evdar qadın” statusu bizim qadınların fəaliyyətini doğru əks etdirmir. Siz necə fikirləşirsiniz?

P.S:

Qismət Rüstəmov —  Bir qadın var hardasa

Bir qadın var hardasa

tələsir mətbəxə, dükana, işə

gözləri razılaşmaq dilində

susur

həmişə.

… Metroda əlləri yaxasına,

çantası dizlərinə səngər…

Bir qadın var hardasa

xoşbəxtlikdən sinifdən qalan,

ciyəri qayğılara qurban

mətbəxə zəncirli Prometaya…

Bir qadın var hardasa

sevmədiyi kişiyə arvad,

sevdiyinə çin səddi.

Bir qadın var hardasa

qara günlərin qırmızı

diplomlusu,

iki uşaq anası.

Hər şeyi yerindədi

əri,uşaqları,şubası,

biş-düşü.

Bir qadın var hardasa

kibrit çöpündən tez sönür

gülüşü…

Bir qadın var hardasa

qadın deyirəm sizə

gecələr ağlar səssizcə

haram qatar yuxusuna.

Ağlar bir qırmızı qalstukun

xorultusuna,

qara bir kostyumun tütün

qoxusuna,

ağlar yatağındakı üzütəraşlı

HEÇ KİMƏ.

Bir qadın var hardasa

soruşsan xoşbəxtsənmi ?

bədbəxtəm deməz

deyər : çox mətbəxtəm…