“ Ana və Uşaq"

Bizdə görmüsünüzmü belə təslimiyyət? Amma laqeydlik, biganəlik nə qədər desəniz.

Buşəkillər Xətai rayonu Mehmandarov küçəsi 68 nömrəli binanın yan küncündə Daşaltı əməliyyatının şəhidi zabit Həsənov Sədrəddin Qardaşxan oğlunun adına yaradılmış guşə və yerli qurumların və bizim hamımızın təslimiyyəti…

Ətragda 2 məktəb 2 bağça var. Amma kimsə belə borcu olduğunun fərqində deyil. Laqeydliklə əhatə olunmuş belə mənzərələr çoxdur.

Bizim nəsillər müharibə, ölüm-itim, tayqıç, tayqol  əsgərlər haqqında  məlumatları ancaq  filmlərdən, kitablardan bilirdik. Amma   son  illərin hadisələri bizə də, bizdən sonra gələn indiki yeni nəslə bu acıları yaşatdı və yaşatmaqda davam edir. .İndi elə bir  yaşayış məntəqəmiz olmaz ki, oradan şəhidimiz olmasın.Elə bir yaşayış məskənimiz, məhəlləmiz yoxdur ki, orda şəhid xatirəsini əbədiləşdirən park, abidə, bulaq, Xatirə lövhəsi olmasın.  Bu parkların, xatirə bulaqlarının, ümumiyyətə şəhidlərimizin adı ilə bağlı olan müqəddəs yerlərin  mənzərəsindən, abadlıq  və təmizliyindən razısınızmı? Ürəkaçan deyil.

 44 günlük müharibə təkcə  Azərbaycanda deyil, bütün dünyada əks-səda doğurdu. Ordumuzun  peşə hazırlığı,  taktiki gedişləri  və strategiyaları  dünya hərb tarixində yenilikləri ilə yadda qaldı. Bu yenilikləri hərb tariximizə yazan ordumuzun 3 minə yaxın say-seçmə oğulları şəhidlik  zirvəsinə uçaldı.

Onlardan biri də şəhid  kapitan Nəcəf Şikar oğlu Şikarovdur. Şəhidimiz”Qarabağ” ordeni, “Vətən uğrunda”, “Xocavəndin azad olunmasına görə”, “Füzulinin azad olunmasına görə”, “Qüsursuz xidmətə görə” medalları,  eləcə də  “Azərbaycan Respublikası Silahlı Qüvvələrinin 90 illiyi (1918-2008)”, “Azərbaycan Respublikası Silahlı Qüvvələrinin 95 illiyi (1918-2013)” və  “Azərbaycan Ordusunun 100 illiyi (1918-2018)” yubiley medalları ilə  təltif olunub.

Nəcəf Şikarov noyabrın 9-da Xocavənd döyüşləri zamanı şəhid olub. II Fəxri Xiyabanda dəfn olunub.

 Bu qəhrəman nəsilliklə  hərbçi olan bir ailənin nümayəndəsidir. Atası peşəkar hərbçidir.1-ci Qarabağ müharibəsində iştirak edib, ağır yaralanaraq ordudan tərxis olunub, padpolkovnikdir. Qardaşı  kapitan Nəsimi Şikarov hal-hazırda sərhəd bölgələrində xidmətini davam etdirir.

Bir vaxt yaşadığı general Şıxlinski küçəsi 49 nömrəli binanın qarşısındakı  ərazidə    abadlıq işləri aparıb park halına saldılar və  şəhid  Nəcəf Şikarovun adını veriblər.

 Bu barədə  rəsmi bir məlumat olmasa da, Xətai Rayon İcra Hakimiyyəti  elektron səhifəsində  bu barədə məlumat verilmişdir.

 Tələm-tələsik ,  müəyyən qədər də tamamlanmamış işlərlə  parkın və xatirə lövhəsinin açılışını ediblər, kütləvi informasiya vasitələri  də  bu  məlimatı  tirajlayıb.

Parkın ərazisində heç bir yerdə  belə bir lövhə yoxdur ki,  bu park şəhid  Nəcəf Şikarovun adını daşıyır.    Bu parka yaxın  4 yerdə şəhidlərin xatirə lövhəsi var, onları da  bura cəm etməklə daha  təsirli bir ziyarət yeri yarada bilərdilər.

 Park   hər zaman izdihamlı olur. Burada müxtəlif idman qurğuları, mini futbol meydançası  olduğu üçün, əsasən,  uşaqlar və yeniyetmələr  daha çox toplaşırlar.

 Böyük əksəriyyəti bağça və məktəb uşaqlarıdır. Ətrafda 3 bağça, 2 məktəb vardır.  Elə problem də burasındadır ki,  bağça uşaqları da,  məktəblilər də Şəhid məfhumu haqqında  dərin anlayışa malik deyillər. Onlar bilmirlər ki, şəhid  abidəsi olan yerdə necə davranmaq lazımdır.

Əvvəldə qeyd etdiyim kimi, hələ birinci Qarabağ  müharibəsində  şəhid olmuş   qəhrəmanlarımız üçün  nə  qədər müqəddəs yerlər var idi. Bu müharibədə  onların üstünə bir qədər də əlavə olundu. Məh  hələ heç bir yerdə gül-çiçək içərisində olan belə xatirə yerlərinə rast gəlməmişəm.Hələ bir dəfə görməmişəm ki, hansısa məktəb və yaxud məktəb öz ərazilərindəki şəhid  adına salınmış  bağçada, bulaq ətrafında , xatirə lövhəsinin ətrafında səliqə-sahman yaratsınlar, gül əksinlər. Amma   görmüşəm ki, məktəb uşaqları müəyyən  vaxtlarda, xüsusən bayram günlərində  parkda,  xatirə lövhəsinin qarşısında  pirotexniki vasitələr partlatsınlar.

 Şəhid abidəsinin həndəvərinə insanlar  ziyarət  məqsədi ilə toplaşmalıdırlar. Onların xatirəsini minnətdarlıq  hissi ilə ifadə etməyə  gəlməlidirlər. Əllərində də gül-çiçək … Gül gətirməyiblər, canları sağ olsun, barı,   şəhidlərimizə  ehtiram edə bilən ürəklə  gəlsinlər.

Təəssüflər olsun ki, abidənin düz önünə velosipedlə gələn uşaqlar olur. İt gətirib gəzdirən olur. Çox az adam olur ki,  narazılığını dilə gətirir.  Uşaqlar atalarından yaşlı insanların üzünə  gülür, utanıb ar etmirlər. Belə uşaqlar bu şəkildə davam edərlərsə, sabah,  o biri il  belə yerlərdə daha  hörmətsiz hərəkət edəcəklər.

Parkda  mini futbol meydançası var.  Abidənin 10-15 addımlığında. Ətrafı  dəmir torla  hasarlanıb və qapısı da  axşamlar bağlanır. Qonşu binalarda yaşayan hansısa uşaqlar gecə gəlib qapının kilidini qırıb, meydançanın ortasına çılpaq maneken qoymuşdular. Bu, əxlaqsızlıqdır.Cəmiyyətin nizamına  meydan oxumaqdır.Bu gün cəmiyyətin yuxarı sferalarında  müşahidə edilən  nizamsızlıqların ilk səbəbi bax, bu ilk səviyyələrdəki başıpozuqluqlardır.

 Meydançada manekenin qoyulduğu gün 96 nömrəli MİS-nin rəisi polisə  bizim yanımızda zəng vurdu.Çevik polis alayından gəlib çəkilmiş şəkilləri öz telefonlarına yüklədilər ki, bölməyə məlumat verəcəyik. Həmin gün axşama yaxın bölmədən bir kapitan  gəlib 2-3 dəqiqə məsələnin mahiyyətini sakinlərdən öyrənib getdi.Dedi ki, əməkdaşlarımız gəlib araşdıracaqlar. Hələ də gəlməyiblər.

Profilaktik iş belə olmur. Onda qayda pozmağa  meyilli olanlar daha da şitənir, daha  digər  yanlış addımlar atırlar. Məktəbləri hesabat verməyə cəlb etmək lazımdır.

Bu gün məktəblərin sinifdən və məktəbdənkənar  fəaliyyət üzrə  gördükləri işlər çox aşağıdır.Bu gün ictimai qınaq  çox aşağıdır. İnsanların rəyinə qulaq asmaq lazımdır.  MİS-lərdə   ictimai Şuralar yaradılmalı və belə məsələləri onların   müşahidələrinə əsasən gəldikləri qənaətlərə görə həll etmək lazımdır.

Ciddi intizam, qərarların icrazına ciddi nəzarət mexanizmi yaradılmalıdır.

Yoxsa böyür-başımızda belə dəcəllər həmişə olacaq və bizi narahat etməkdə davam edəcək,  bir qədər də böyüyüb  cəmiyyəti narahat edəcəklər.