Çu çərşənbəsi münasibəti ilə əsgərlərimizə təbrik

Baş redaktordan

Çox qürurlu bir anlar yaşayırıq. Qarabağla bağlı atılan hər addım, hər bir niyyət zaman-zaman qaysaq bağlamış yaralarımıza məlhəm olur. Demək istədiyim sözlər çoxdur. Amma hər söz yazmaq üçün, demək üçün deyil. Bizdən də uca və ali bilənlər , əlbəttə ki, hər şeyi görür və bilir. Bilir ki, nəyi nə zaman , necə etmək lazımdır. Biz , sadəcə səbirlə həmin anları gözləməliyik.Gözləyirik və gözlədiklərimizin hamısı da bir-bir gerçəyə çevrilir.

Paşinyan Cıdır düzündə “ Camış bağa girdi” diringisinə atılıb düşürdü, durduğumuz yerdə alışıb yanırdıq. Xocalıda hansısa abidə yaratmışdılar. İsa bulağımız əsarətdə, Xydafərin əsarətdə. Kimin aölına gələrdi ki, 2 əsrdən artıq davam edən təcavüz niyyətlərinə bir “DUR, Qarabağ Azərbaycandır!” deyən tapılacaq. Tapıldı və biz Qarabağa qayıtdıq. Küçə döyüşlərində üzbəüz erməni quldurlarını şil-küt edib özümüzə qaytardıq musiqi beşiyimizi. Ölkəmizin başçısı Xanımı ilə Xudafərində, İsa bulağında oldu, Xocalıda əzəmətli abidənin təməlqoyma mərasimində iştirak etdi. Sani cənab İlham Əliyevin iş yeri Qarabağdır. Hər fəaliyyəti, quruculuq işlərini şəxsən diqqətə götürüüb. Hər gün bir təməlqoyma mərasimində quruculuq işlərinə sərf olunan vəsait qayıdışımızın əbədiliyinə zəmanət deməkdir. Bunlar hamısı Milli Ordumuzun əsgər və zabitlərinin hünəri ilə mümkün oldu.

Üzü Novruza gedirik. Hər bir evdə bayram hazırlığı var. Ürəkdolusu tədarük görürük bayrama. Keşiyimizdə siz, Vətənimizin, torpağımızın arxasında Siz. Hər an Siz bizimləsiniz, dualarımızdasınız.Novruz and-amanımızın, dualarımızın əvvəli sizlə başlayır, sonu sizlə qurtarır. Bu soyuqlu havada siz qarlı-çovğunlu aşırımlarda, zirvələrdə keşikdəsiniz. Allah sizə dpzüm versin, üşüməyin, karıxmayın. Başınızdan bir tük əskik olmasın. Hər biriniz sağ-salamat evinizə, əzizlərinizə dönəsiniz. Qarabağ bizim olsa da, hələ düşmən pusqudadır. Olsun ki, hələ çox məkrli niyyətlər quracaq. Amma Azərbaycan əsgəri bir daha yenilməz.

Şəhidlərimizə min rəhmət. Bütün şəhid ailələri, qazi ailələri Allah əmanətində.

Əziz əsgərlərimiz! Bəli, bu günlər hər bir Azərbaycan ailəsi Novruzu gözləyir, hər bir Azərbaycan ailəsinin başı bu bayramın tədarükünə qarışıb. Bilirsiniz, gözlənən tək Novruz deyil. Hər bir əsgər ana-atası övladının yolunu gözləyir. Qurbanlıq bəsləyir… Nişanlılarınız üçün Novuz xoncası hazırlayır. Bu da son deyil…. “Yer var, bir Günəşin həsrətindədir, burdasa hər evdə bir Günış yatır”… Bu xalqın qızları çox. Bəli, onların hər biri bir günəşdir… Onlar da hər gün qapıdan, pəncərədən yollara boylanır, Sizi gözləyir…