“ Ana və Uşaq"

Azərbaycan

Od ürəkli , od nəfəsli diyarımsan

Ocağına canım qurban , Azərbaycan !

Əzilsən də , əyilməyən vüqarımsan

Bu çağına canım qurban , Azərbaycan !

***

Neçə gizli sərvət yatır qucağında ,

Neçə ölkə od aparır ocağından .

Azadlığın al rəmzi var bayrağında

Bayrağına canım qurban , Azərbaycan !

***

Hər uğurun gələcəyə bir yol açır ,

Hər dost elə xoş niyyətin işıq saçır .

Hər millətə , hər məzhəbə isti , açıq

Qucağına canım qurban , Azərbaycan !

***

Başım üstdə məğrur-məğrur dalğalanan

Bayrağına canım qurban , Azərbaycan !

Ruhuma büt , cismim üçün vətən olan

Torpağına canım qurban , Azərbaycan!

***

Savaşlardan alnıaçıq çıxan zaman

Tarixlərə bağışladın neçə qurban.

Hər qonşuda bir parçası əsir qalan

Torpağına canım qurban , Azərbaycan !

 Ayrı-ayrı  nümunə seçmələr

Kimsə deyirdi ki, kişi ağlamaz,

Hanı gülə-gülə ölən kişilər?

Arvadı itirən kişini duymaz,

Arvadı yanında olan kişilər.

 

******

Qumrular qoşa gəzir,

biz ayrı, sənə qurban!

Bir quşca da olmadı,-

o qan yox, o damar yox!

******

Dahilər təqib oldu,

Dahilər xalqa verdi

bütün istedadını.

Adilər xalqdan aldı

şöhrətini, adını.

*****

Yaşayaq, ömr edək dünyada bahəm,

 bizim bəxtimizə görək nə düşür?

Mənli günlərinə cavabdehəm mən,

Mənsiz

öz taleyin öhdənə düşür.

*****

Qələm olsam, varağım ol,

sususz olsam, bulağım ol,

Sən evim ol, otağım ol,

mən yanan çırağın olum!

*****

De, nədir səadət həyatda, gülüm,

bir  könül xoşluğu, bir az təbəssüm.

Onu da, bunu da sən bağışladın,

 dünyanı dünyada sən bağışladın.

*****

Vəzifəyə gələndə,

 baş əy, salam ver ona.

Vəzifədən gedəndə

atasının goruna…

*****

Nə  deyim, belədir dünya qədimdən,

səbri də böyükdü torpağın, daşın.

Ürəkdən gülməyə ehtiyat edən,

bircə qadın idi –

 həyat yoldaşın.

*****

Kənd qızının həyasını,

öz ağbirçək anasını,

bizim ellər dünyasını

qoydu lağa,

Özü boyda ləkə oldu bu torpağa.

******

Yox oldu o gülərüz,

o  ağ, bakirə bədən.

Evdə də gizlədərdin,

özünü  öz ərindən.

Sən həya saxlayırdın,-

arada abır, ismət.

Səni  mənim əlimdən

torpaq aldı, nəhayət.