“ Ana və Uşaq"

Dah sonrası necə oldu, hansı  qərara gəldilər, bunu bilməsək də,   ba verənlə, madam ki, ictimailəşdirilib,  cəmiyyətin diqqətinə çatdırılıb, onda cəmiyyətin də, ayrı-ayrı   vətəndaşların da müstəqil olaraq düşnmək, analiz edib   nəticəyə gəlmək, fikir bildirmək haqqı var.

  Biz hüquqi və demokratik dövlət qurmuşuq. Bu dövləti   bütün sahələrdə  ciddi islahatlar aparan  qətiyyətli Prezident  cənab İlham Əliyev idarə edir.  Adamı düşündürən də budur ki,  bu addımlar bütün cəbhəboyu davam etdirildikcə, belə hadisələr  necə  baş verə bilər?

 Bir şəxs pedaqoji sahənin adamı deyilsə, kənd təsərrüfatı mütəxəssisidirsə,  həyatının əhəmiyyətli hissəsini  məktəbə, şagirdə, sinif otaqlarıan bağlamış  təhsil admına  necə rəhbər seçilə bilər? Yaxşı, savadlı  mütəxəssisdirsə,  kənd təsərrüfatı profile üzrə peşə məktəblərinə, orta ixtisas məktəblərinə direktor təyin edəydilər.

 Əgər  həmin məktəbdə  sonradan  elan edildiyi kimi, qanunsuzluqlar  baş vermişdisə,  müəlliməni direktorluqdan  azad etmək addımından öncə, bu faktı araşdıraydılar. Amma ədalətl və obyektiv. Fakt təsdiqini tapardısa, yəqin ki,  haqqında qanunvericiliyn əsas verdiyi şəkildə addım atmaq olardı.

Amma bunlar əvvəlcə haqsız yerə azad edirlər,  narazılıq yaradırlar, məsələ  ictimailəşəndən sonra başlayırlar  səbəb axtarmağa,  nə iləsə əlaqələndirməyə.

  Gəncə şəhəri bizim ikinci böyük və müqəddəs şəhərimizdir.Gəncə müqəddəslər  yurdudur. Bu şəhərin təhsil idarəsinə  kənd təsərrüfatı mütəxəssisinin rəhbərlik etməzi bu siqlətə heç yaraşmır. Dəfələrlə bubarədə kütləvi informasiya vasitələrində yazılıb, dildə-ağızda belə uyğunsuluqlar haqqında  hər zaman söhbətlər gəzir. Son onilliklərdə istər Təhsil Nazirliyinin özündə, istər Bakı şəhəri üzrə Baş  Təhsil İdarəsində qeyri-pedaqoji təhsillilərin pedaqoji rəhbər vəzifələrə təyin edilməsi halları  müşahidə olunur və bu gün də var

Gəncə-Daşkəsən Regional Təhsil İdarəsinin rəisi Anar Qədiməliyev 2013-2014-cü illərdə Azərbaycan respublikası Xaricdə Təhsil Dövlət Proqramı və ABŞ-ın Fulbright Tələbə Proqramını qazanaraq Florida Universitetində magistr təhsilini davam etdirib.

Bunu oxuyanlar    düşünürəm ki,  “Təhsil Dövlət Proqramı” , “ABŞ-ın Fulbright Tələbə Proqramı”  yazılıb, yəqin ki,  pedaqoji  sahədir.  Oradakı  “Təhsil, tələbə”  sözləri     istənilən   ixtisas sahiblərinin    fəaliyyət sahəsinə aiddir: hidroloqa da, zootexnikə də,  tərbiyəçiyə də,  riyaziyyat müəlliminə də.

  Təhsil İarəsinin rəhbərinin internetdəki tərcümeyi-halına fikir verin:

“2013-2014-cü illərdə Azərbaycan respublikası Xaricdə Təhsil Dövlət Proqramı və ABŞ-ın Fulbright Tələbə Proqramını qazanaraq Florida Universitetində magistr təhsilini davam etdirib.

2005-2013-cü illərdə maliyyə sektorunda müxtəlif vəzifələrdə çalışıb, 2015-ci ildən Təhsil Nazirliyində Dünya Bankının Təhsil sektorunun İnkişafı üzrə II layihəsində milli məsləhətçi kimi xidmət göstərib. 2016-2017-ci illərdə isə Təhsil İşçilərinin Peşəkar İnkişafı İnstitutunda Keyfiyyətə nəzarət və Monitorinq şöbəsinin müdiri vəzifəsində çalışıb.

2017-2018-ci illərdə Bakı Şəhəri üzrə Təhsil İdarəsinin İnkişaf layihələri sektorunun müdiri vəzifəsində çalışıb.

Azərbaycan Respublikası təhsil nazirinin 2018-ci il 1 oktyabr tarixli əmri ilə Keyfiyyətə nəzarət sektorunun müdiri vəzifəsinə təyin edilib.

Gəncə Şəhər İcra Hakimiyyəti başçısının 20 iyul 2020-ci il tarixli, 56 nömrəli əmri ilə Gəncə Şəhər Təhsil İdarəsinin müdiri vəzifəsinə təyin edilib”.

 Baxırsınızmı,  kənd təsərrüfatı üzrə  ixtisas sahibi olan şəxs  tamam  başqa sahədə necə sürətlə  irəli çəkilir.

  Aydınlıq üçün deyim ki, indiki Təhsil Naziri  Emin Əmrullayev da 2010–2012-ci illərdə   həmin Dövlət Proqramı  və “Fulbright” proqramının birgə dəstəyi ilə Kolumbiya Universitetində İctimai (İnzibati) İdarəetmə ixtisası üzrə magistr pilləsində təhsil alıb.

Bu təkcə  müəllimləri deyil,  cəmiyyəti narazı salır.

Nüəllim 20-30 il çalışır, təşkilatçı ola bilmir, bunlar kənd təsərrüfatı mütəxəssisini   necə sürətlə   daha yuxarı səviyyəyə yüksəldirlər.  

     İndi  hadisə baş verəndən sonra Gəncənin Təhsil idarəsi tərəfindən verilən müxtəlif  açıqlamalar   o qədər də inandırıcı görünmür. Təbii ki, daha yuxarı orqanlar məsələnin obyektiv qiymətini  verəcəklər.  Çünki bu, tək  işdən azad edilmiş bir direktorun  həyatına aid  deyil, bütün  cəmiyətimizə aiddir.

Əgər   direktor  qanun pozuntuzuna yol vermişdirsə və bu  pozuntunun cəzası ancaq   vəzifədən uzaqlaşdırmaq idisə,   Qanunun müəyyən etdiyi şəkildə işdən azad edəydilər, özlərini bu qədər dilə-dişə salmayaydılar. Onda  direktor da    narazılıq etməyəcəkdi.  Belə etməyiblər, indi  də başlayıblar  nəticədən sonra səbəb   düzəltməyə…