Görkəmli şəxslərin həyatından
Şəhriyar ömrünün son illərində hər şeydən təcrid olunmuş, evinə qapanmışdı, dərviş həyatı yaşayımış. Usta şairimizin şairə Hökumə Billuri ilə söhbətindən bir hissə: “Mən illərdir ki, yalnız çox vacib olduqda evdən çıxıram. Mənim hər şeyim bu bir otaqda yerləşmişdir. Gördüyünüz kimi, onun bəzəyi ancaq sadəlikdir… Üç uşağımla burada yaşayıram.
Qazancım vaxtilə işlədiyim və “Fəxri ustad” adı aldığım yerdəndir. 16 aydır ki, maaşımın bir az artırılması üçün qərar çıxarıblar. Qərar var, ancaq pul yoxdur. Bilmirəm qənaət falı niyə elə şairin bəxtinə düşmüşdür?.. 22 il bundan əvvəl aldığım paltarı hələ də təzələməmişəm… Pul mənim üçün bəlkə də əl çirkidir. Lakin başqaları üçün ki, belə deyil! Bu məsələlər mənim daxili rahatlığımı pozur. Kimsədən gileyim yoxdur, ancaq dərvişliyi uşaqlarıma aşılaya bilmirəm…
Tehranın qeyrəti yox –
Şəhriyarı saxlamağa,
Qaçmışam Təbrizə –
qoy yaxşı-yaman bəllənsin…
“ Ana və Uşaq" 
Hörmətli istifadəçilərimizi yazılar haqqında münasibət bildirməyi, öz təklif və iradlarını bildirməyə dəvət edirik.