“ Ana və Uşaq"

Hansı közdən köz götürdü bu ocaq,

Yay mövsümü gəldi haçan qızların?

İndən belə güzgülənmək olacaq,

İşi-gücü axşamacan qızların.

*****

Sehirkarlıq o gözlərdə, bəli, var,

Sübut gəzməm, Məcnun kimi Dəli var,

Ya taledə, ya ilhamda əli var,

Öz-özünə işıq saçan qızların.

******

Möcüzəli qoşa narın dəyməsi,

Qoy qızların xətirinə dəyməsin.

Mən olaydım yaxasının düyməsi,

Sinəsini külək acan qızların.

*****

Zəhmətinə gül çiçəklər dərilsin,

Ülfətinə qoşa qollar gərilsin,

Xalı olub, ayağına sərilsin,

Ev- eşiyim, həyət-bacam qızların.

*****

Elçi gəlsin, üstünə gül saçılsın,

Verməslər, götürülüb qaçılsın.

Görüm elə bəxti kimi açılsın,

Öz bəxtinə könül açan qızların.

*****

Gözəllikdə hərəsi bir sonadır,

Bu sonalar eşqimizi sinadı.

Nə yaxşı ki, indi çoxu anadır,

Dünən bizə gülüb qacan qızların.