“ Ana və Uşaq"

Fizioloji baxımdan müəyyən olunub ki, 18-20 yaşlarında qız oğlana, eləcə də oğlan qıza daha gözəl görünür. Bu 25 yaşa qədər belə davam edir, amma 25 yaşından keçəndən sonra gənclərə bəyəndirmək çətin olur: oğlan da, qız da özünə ideal axtarır. Daha yaxşısını, daha idealını seçmək kaprizi isə sonda sizin dediyiniz təsadüfə aparıb çıxarır. Deyirlər ki, filənkəsin qızı gözləyib-gözləyib axırda kimi seçdi. Eləcə də filənkəsin oğlu kəndin gül kimi qızlarını qoydub, gedib yad yerdən eləsini bəyənib ki, indi də bilmir nə eləsin. Qadının haqqı var gözəlin, yaraşıqlısın seçsin:yanında gedəndə də, yanında gedildiyində də görən desin cüt bəxtəvər. Amma təkcə  zahiri görünüş, dəbdəbəli həyat səadət bəxş edə bilməz, vacib olan mənəvi gözəllikdir. İkisi bir yerdə olsa, lap yaxşı, ikisi olmazsa, daxili gözəlliyi hədəfləmək lazımdır.  Əfsuslar olsun ki, gənclərimiz sevərkən hisslərinin əsiri olurlar. Hər kəs öz əks tərəfinə mənəvi yaxınlıq üçün deyil, cismani yaxınlıq üçün  can atır.  Ona görədə indiki sevgilərin   davamlılığı  çox zəif olur.  Çünki bir-birlərini ruhən, mənən sevməyiblər ki. Nikaha girib gözlərinin qurdunu öldürəndən sonra  biri digərinin gözündən düşməyə başlayıb.

Sevgi haqqında bu qədər yazılsa da, insanlar bunlardan kifayət qədər məlumat alsalar da, həyatda görüb-götürsələr də, yenə sapınmalar, soyuqluq, xəyanət kimi hallardan baş verməkdədir və  həm də sayca artmağa doğru meyillidir . Təbii ki, mühitin, inkişafın, xarici təsirlərin mənəviyyatlara vurduğu xəsarətlərdə insanların özlərinin də laqeydliyi, cavabdehliyi az deyil.

Kütləvi informasiya vasitələrində kriminal xəbərləri izləmək kifayətdir ki, ailə münasibətlərində, sevgidə özünə əməlli-başlı yer etmiş naqislikləri görəsən, yəqin edəsən. Adı çəkiləndə xəcalət təri basan, sıxılan qız indi çimərlikdə müxtəlifi görüntülər paylaşır… Şou adı ilə əzalarını açıq-saçıq şəkildə səhnədə nümayiş etdirir.  Məktəbli qız   məktəb binasına  dadil olmamış  2-3 rəfiqə bir-birini  ətirləyib sonra  daxil olurlar.  Sən axı məktəblisən, uşaqsan, səndən bilik ətri, uşaq ətri gəlməlidir. Ata belə  məqamları o qədər bilmir, amma ana hiss etmirsə,  qız övladlarının belə maraqlarını  nizamlamırsa,  demək,  günah ailədən başlayır.  Ailə öz  üzərinə düşən vəzifəni yerinə yetirsə, cəmiyyətdəki naqisliklərə də etiraz edəbilər.  Normal ailə həyatı üçün bunlar ola bilməz axı. Axı bizim xalq, bizim dədə-babalar bu cür davranış, əxlaq tərzini  heç vaxt qəbul etməyib.

Bu gün Sevgililər Günüdür.  Bizim Milli Sevgililər günü olmasa da, sevənləri təbrik etməyə dəyər, hər kəsə devgi  arzulamağa dəyər.  Kaş insanların  bir günü deyil, hərgünü Sevgi günü olsun. Dünyaya sevgi arzulayırıq. Bütün gənclərimiz sevgilərinə, sevdiklərinə qovuşsun.