Sərbəst səhifə

Bu gün heç bilmirəm, nə üçün, nədən,
Səma da mavidir, torpaq da mavi.
Görürəm dünyanı başqa rəngdə mən,
Ağaç da mavidir, yarpaq da mavi.
Mavidir, yarpaq da mavi…

Amma biz bilirik  səma, torpaq,  ağac, yarpaq, hər şey niyə mavidir. Bir şirin, ağıllı qızımız var, gözəl şəkillər çəkir. Vətən Müharibəsi Qəhrəmanı  Azad Hümbətov adına 291 nömrəli Ekologiya liseyinin  VI A sinif şagirdidir:  Məsumə Hüseynli. Palitrasında  daha çox mavi tonlardan istifadə edir. Bəlkə Məsumənin mavi çalarları bu maviliyi bir qədər də fəal edir. Səma, dəniz onsuz da  bilirik mavi olur. Amma bu qızcığazın səması da, dənizi də  hər kəsdə bir başqa assosiativlik doğurur. Mavi rəng sülh, əmin-amanlıq, etibar, sədaqət deməkdir.  O,  həm də müdriklik, sakitlik  və mərhəmət  rəmzidir.  Məsumənin adı ilə bu anlamlarda bir varislik olmamış deyildir.

“Məsumə” məsum, pak, günahsız anlamlarını  ifadə edir. Heç şübhəsiz  bu balaca yavrunun ilk sənət addımlarını belə motivasiya edən  də genlərindəki  bu cür xüsusiyyətlərlə  bağlı olmasıdır. Təqdim etdiyimiz şəkillərdə özü də mavi geyimsə, sağlnda mavi sular, başının üstündə mavi səma… Hələki seyr edir, torpğımızın əsrarəngizliklərinə dalır,  genetik yaddaşına köçürür.Bizim Qeysər Kaşıyeva,  Elmira Şahtaxtinskaya, Maral Rəhmanzadə, Xalidə Səfərova kimi çox məşhur qadın  rəssamlarımız olub. Onlar da bir vaxt  bizim Məsumə balamızın  həmyaşıdı olublar. Bəlkə kimlərsə də gələcəkdə   bu mövzudan söz açanda, məşhur qadın  rəssamlarımızın sırasında  yazacaqlar:  Məsumə Hüseynli…

Bu gün onun şagird dəftərində, yapma, applikasiya məşğələlərində fəaliyyətləri onun  gələcək böyük sənət üçün ilk   cəhdllər və səylərdir…  İnanırıq və arzu edirik…Hələliksə ona can sağlığı, uzun ömür arzulayırıq. Onun pərvazlanması üçün ömür həsr edənvalideynlərini və əlbəttə ki, elm yollarında uğura aparan  müəllimlərini də təbrik edirik.

Ad günün mübarək…

Hörmətlə: anaveushaq.wordpress.com