Ofeliya Hacıağa qızı Sənani 26 may 1941-ci ildə  Bakıda   möhsün Sınaninin ailəsində  dünyaya göz açmışdır.

Ofeliya Sənani Azərbaycan Dövlət Universitetini bitirmişdir (1966). Gültəkin Cabbarlının yetirməsidir. Teleradio Verilişləri Şirkətinin diktorudur. 1959-1975 illərdə radioda işləmiş, bir sıra radio tamaşalarında baş rollarda çıxış etmişdir. 1975-ci ildən televiziyada fəaliyyət göstərir. 1960-1990-cı illərdə eyni zamanda “Azərbaycanfilm” kinostudiyasının dublyaj şöbəsində işləmiş, 100-dən artıq filmin baş qəhrəmanlarını səsləndirmişdir. Kinofilmlərdə də çəkilmişdir (“Dağlarda döyüş”, “Ulduzlar sönmür” bədii filmləri, “Bakı bulvarı”, “Mücrü” və s. televiziya filmləri).

Ssenariçi Valid Sənaninin həyat yoldaşıdır.

Görkəmli alim, akademik Zərifə xanım Əliyeva 28 aprel 1923-cü ildə  məşhur və ziyalı bir ailədə -görkəmli dövlət xadimi, Azərbaycanın böyük səhiyyə təşkilatçısı Əziz Məmmədkərim oğlu Əliyevin ailəsində anadan olmuşdur. Bu böyük insanın əksər xüsusiyyətləri qızı Zərifə xanıma da xas idi.

    Tahirzadə Nərmin Abdulla qızı 13 avqust 1921-ci ildə İstanbul şəhərində anadan olub. Atası Tahirzadə Abdulla Mabud oğlu keçmiş  Şəki qəzasının Xaçmaz kəndindən  idi və   Nərmin anadan olanda İstanbul universitetində təhsil alırdı.

Səkinə xanım Mirzə Heybət qızı Axundzadə Azərbaycanın ilk qadın dramaturqu və müəllimlərindən biridir. Yazıçı Mirzə Heybət Axundzadənin qızıdır. 1865-ci ildə Qubada anadan olmuş və ibtidai təhsilini orada almışdır. Atası Mirzə Heybət “Fəda” təxəllüslü ilə şeirlər yazırdı və A.A.Bakıxanovun təşkil etdiyi “Gülüstan” ədəbi məclisinin üvzü idi. 1900-cü ildə ailəsi ilə birlikdə Bakıya köçən Səkinə xanım Hacı Zeynalabdin Tağıyevin Qızlar məktəbində şəriət və ədəbiyyat dərslərini tədris etmiıdir. Bakıda və Qubada xalqın maariflənməsi yolunda böyük işlər görmüş, qız məktəblərinin açılmasma, təhsil alan şagirdlərə müntəzəm olaraq maddi yardım göstərmişdi.

Ümgülsüm Əbdüləziz qızı Sadıqzadə dövrünün tanınmış şairi olmuşdur. O, həm də görkəmli yazıçı Seyid Hüseyn Sadiqnin həyat yoldaşı olduğu üçün, eləcə də repressiya qurbanlarından biri olduğu üçün də hər zaman hörmət və izzətlə xatırlanır.

Liza xanım Muxtarova (Tuqanova) 1865- ci ilə Rusiyanın Vladiqafqaz şəhərində anadan olub: general Hambi Tuqanovun ortancıl qızı idi. M. Muxtarov Vladiqafqaza səfəri zamanı orada Liza xanım ilə rastlaşmış və onunla evlənməyə qərar vermişdi.

Bu, 2006-ci ildə Baş vermişdir. Əslən Cənubi Azərbaycandan olan Amerika vətəndaşı Anuşe Ənsari kosmos turizmi çərçivəsində kosmosa çıxan ilk müsəlman qadını olaraq tarixə düşmüşdür.