Təbriklər

Kaş dünyada ölüm-itim olmayaydı. İnsanlar xəstələnməyəydi. Heç kimin ayağı daşa toxunmayaydı.  Oxu da daşa tuş olmayaydı. Sevən sevdiyinə qovuşaydı. Ta sona kimi şirin də  sonuclanaydı bu  həyat   hekayəti.

Necə ki  kol-kosluğu təmizləyib, yerində  bağ salırsan. İllərlə qayğısını, nazını çəkib  gülünü-çiçəyini, bar-bəhərini gözləyirsən. Gəlib  bar mövsümü  çatır, illərlə çəkdiyin qayğıların nəticəsi olaraq yetirdiyin meyvə ağaclarının barını dadırsan, ruhun təzələnir, duyğuların dincəlir. Həyat bağçası da belədir. Nəvən dünyaya göz açanda   boyu -50-52 sm olur.  Onu qram-qram, mm-mm  böyüdürsən. Özü də     şirinliyini dada-dada.  Hər yaşda da  dadına  bir ayrı dad qarışır.  Bu şirinlik  canına, ruhuna yayılmış  xüsusi bir  daddır.
 Süfrədə istifadə etdiyimiz şəkər, əsasən, şəkər qamışı və şəkər çuğundurundan alınır.  Amma   nəvə sirinliyinin həcmini, çəkisini, rəngini, dadını  duyğu üzvlərinin köməyi ilə müəyyən edə bilmək üçün nə ölçü vahidləri, nə də ölçü vasitələri var.  Yəni, bu şirinlik həcmsizdir, ölçüsüzdür. Kim nəvə həsrətidə deyil ki… Allah hamıya qismət etsin, ən azından 2+2…

Bu dünyadan doymaq olmur, İlahi,
Aman Allah, dünya necə şirindi.
Fəsil gözəl, həftə gözəl, ay gözəl,
Aman Allah, dünya necə şirindi.

Kim bəxtindən, taleyindən yarıdı,
Kimin bəxti axıracan sarıdı.
Dünya çiçək, insan oğlu arıdı,
Aman Allah, dünya necə şirindi.

Göylərə bax, göyü günlü, yağışlı,
Yerlərə bax, yeri güllü, naxışlı.
Gözəlləri tülək tərlan baxışlı,
Aman Allah, dünya necə şirindi.

Baxmaq üçün bərəsi var, bəndi var,
Gəzmək üçün şəhəri var, kəndi var.
Pətəyi var, şəkəri var,  qəndi var,
Aman Allah, dünya necə şirindi.

Səsli gələn səssiz ölmək istəmir,

Heç bir canlı ölüb itmək istəmir.
Hamı gəlir, gələn getmək istəmir,
Aman Allah, dünya necə şirindi.

 Bunlar o qədər şirin ola bilməz ki, nəvələr  ondan da çox şirindir. Ümumiyyətlə , dadbilmə hissini  niyə qəndə, bala  görə hiss edirlər.Şirin olan elə   nemətlər var ki, onu dilimizə vurmuruq, dadmırıq…Heç vaxt  qəndini də 1-2 dilim artıq etmirik. Ozü-özündən şirinlik doğur. Hər saat, hər gün, hər il…
Gözəl şairəmiz Zivər xanım Ağayevanın hiss dünyasında bu şirinlik əsl  haqqını tapıb.

Qoy hər kəsə qismət olsun,
Qənddən, baldan şirin nəvə
Ömrümüzün bəzəyidir,
Övladdanda şirin nəvə…

Əsildir nəvə, nəsildir nəvə,
Övladdan da şirindir, şirindir nəvə.
Dövlətdə dəvə, övladda nəvə,
Deyib bu sözü atalar belə…

Nəqərat

Şirin şirindi nəvə, şirindən şirin nəvə,
Övladdan da şirindi, şirindən şirin nəvə…

2 ci bənd

Yerdə şamdır, göydə ulduz,
İstər oğlan, istərsə qız.
Bir gün məni qoymaz yalqız,
Həyatımın nəbzi nəvə…

Əsildir nəvə, nəsildir nəvə,
Övladdan da şirindir, şirindir nəvə.
Dövlətdə dəvə, övladda nəvə,
Deyib bu sözü atalar belə…

Nəqərat

Şirin şirindi nəvə, şirindən şirin nəvə,
Övladdan da şirindi, şirindən şirin nəvə…

 Nəvəm Həcərin də bu gün doğum günüdür, mənim də. Onun 10 yaşı, babasının da 70. İkimiz də  yubilyar. Bu da Allahın bir lütfüdür.
 Ailələrimizdə sevinc yaşayırııq. Dünyanın bütünqız  çocuqları indi bizi Həcərdir. Həcər də onların biridir…
Dünyamız   sülh icrə davam etsin. Uşaqlar xoşbəxt yaşasın.

 P.S. Amma  nə olardı  nənələrinin  “nənə” adı başqa cürə ifadə edilmiş olaydı)).